Dizionari de Lenghe Furlane

magnetic  /-è-/  ma|gne|tic  [CO]

1. adi. dal magnetisim, de atrazion esercitade su materiâi ferôs:  su Venus no vâl la fuarce di gravitât ma chê magnetiche. La emisfere e je come une grande calamite e nô o doprin des scarpis di fier (Checo Tam, Sense)
   
   1. di materie o di fuarce, che e esercite chê atrazion
2. adi. di dispositîf, che al funzione in graciis des proprietâts di chê fuarce di atrazion, che e permet par esempli, di regjistrâ dâts:  lis lenghis, lis tradizions e lis culturis dai popui no son fissadis dome su la cjarte dai libris, su la bande magnetiche (films e cassetis) o digjitalizadis tai computers. Prin di dut si insedin tal cerviel des personis (Franc Fari, Il cjâf dai furlans)
3. adi. (fig.) che al prodûs atrazion, interès e v.i.:  une azion che e ven fûr di une personalitât vulcaniche e magnetiche (Fabian Ros, Indipendence)

Polirematichis e espressions idiomatichis

• cjamp magnetic loc.s.m.
• risonance magnetiche loc.s.f.