Dizionari de Lenghe Furlane

mîl  mîl  [AF]

1. s.f. sostance dolce produsude des âfs elaborant il netar des rosis o altris zucars:  ju à puartâts dongje lis cjasutis des âfs e ur à sclarît ce maniere fâ e che i avons a son plui grancj des âfs e no fasin la mîl (AAVV, Sul florî); fâ smolâ il levan intun tic di lat clip, zontant une sedonute di mîl e une sedon o dôs di farine (Margherita Timeus, Weinachtenstollen (pan dolç di Nadâl ae todescje))
   Var. mêl²
2. s.f. (fig.) cualsisei robe di bevi o di mangjâ une vore dolce o une vore buine:  chistu slivoviz al è una bomba! […] se ti âs una butilia di chista meil, no è nissuna not che a pos spaurîti! (Stiefin Morat, Donald dal Tiliment)
3. s.f., adi.inv. colôr biont scûr:  poltronis di vilût colôr mîl (Carlo Sgorlon, Ombris tal infinît)
4. s.f. (fig.) aspiet dolç, plasevul:  e a rivarà doman una âta dì cu la sô mîl e i siei colôrs / e la ilusion crevada a lassa il puest a una ilusion miôr (Giorgio Ferigo, Sabida di sera); al jere un sintiment plen di une mîl platade e sbisiose, ancje se miscliçade cun alc di malsigûr e di ansiôs (Carlo Sgorlon, Il dolfin); la mîl di une volte si cambiave, di ore in ore, in velen, e il gno voli al scomençave a intorgolâsi di odi (Pieri Piçul, Vieri e gnûf)
   
   1. maniere di fâ o di fevelâ dolce, delicade:  jê no la veve mai sintude fevelâ cun tante mîl (Jolanda Mazzon, Di là de rêt)

Polirematichis e espressions idiomatichis

• lune di mîl loc.s.f.

Proverbis:

• ai passûts ancje la mîl ur pâr amare
• cuant che la fam e je a mieç il cîl, la polente a sa di mîl
• cuant che la lodule e va in cîl, il pan di sorc al sa di mîl
• cui che al à in bocje fêl nol po spudâ mêl
• cui che al mangje la mîl si leche i dêts
• cui che nol à bêçs te borse che al vedi mîl in bocje
• e tire plui moscjis une gote di mîl che no un barîl di asêt
• la mîl in bocje e il curtìs sot de cimosse
• lis moscjis si lis cjape plui prest cu la mîl che no cul asêt
• no si po vê la mîl cence lis moscjis
• o mîl in bocje o bêçs in borse
• o mîl in bocje o bêçs te sachete
• une gote di fêl e fâs amâr un grant pitêr di mîl
• une gote di sinç e vuaste un pitêr di mîl
• vueli in cime, vin tal mieç, mîl sul fonts