ludro lu|dro [CO]
- s.m., adi. (pop.) cui che al à une vore di brame di mangjâ o ancje di cjapâ o ancje brame sessuâl e che si sbroche cence nissun rispiet di chei altris, ancje tant che ofese gjeneriche grave: "[...] il guvier al à dopleade la tasse su lis butiliis." "E i comerciants chei ludros par no jessi di mancul a àn cressût il presit trê voltis tant" (Pieri Somede dai Marcs, Un pugn di moscjis); [la mari di sant Pieri] e veve intor dutis lis pestis, dutis lis tristeriis di chest mont: lengonate, maligne, ludre, golose e love, mai cuiete e simpri malcontente (Alviero Negro, Lis çariesis pe mari di sant Pieri); bagaionats di zovenots che a pensavin dome che a sglonfâsi [di mangjâ e di vin] tant che ludros (Gianni Gregoricchio, Îr e doman); "Birbant, simuladôr, tartar maldegn, cjalcjut inclapît, racli, speloc, ludro di un traditôr!" (Lea D'Orlandi, Al è miôr ce che Dio mande...)
