linde lin|de [AF]
- s.f. part dal cuviert che e da infûr de linie dal mûr: chê altre [cjase], cu la linde disdenteade, cu lis fignestris taponadis di soreâl, la puarte a bocons e il mûr grîs incà e inlà sgumbulât e a claps, si capive subit che e ere di un puaret (Catarine Percude, La fuiace de Madone); al veve cjalât par aiar. Framieç des lindis al smicjave un barlum di clâr (Gianni Gregoricchio, Barbe Masaniello); "E son tornadis lis cisilis a fâ el nît sot la linde, Pieri!" (Arturo Feruglio, In cîl e je une stele!…)