limbo
lim|bo
[CO, TS]
-
s.m.
religj.
(pop.)
viôt limbi
:
eco il pazient Gjesù sul len infam / fra cîl e tiare sun trê clauts picjât. / Là jù dal limbo al alce i voi Adam, / e maludint da gnûf il so pecjât / si bat il cjâf, e sberlufît al ciule (Zuan Batiste Galeri, Il furlan a messe)
-
(fig.)
cundizion incierte, no clare:
Min si jere sintût plui che mai tal limbo, scuasit picjât fra cîl e tiere, cence savê ce fâ o ce dî, cence savê cun ce muse frontâ la gnove (Franca Mainardis, Aiar di cjase)
-
s.m.
lûc plen di fum, fumate o nûi o di alc che nol lasse viodi o grande cuantitât di fum, fumate o nûi o di alc che nol lasse viodi:
cuant che al menave la scove, al vignive un nûl di polvar. E alore, nô, dentri ta chel limbo che nus pareve di sei cui «Savoia-Marchetti» in cîl! (Lucio Perès, Vilie di fieste)
Var. nimbo
-
mancjance di lûs o lûc dulà che no si rive a viodi par mancjance di lûs:
jê cun Mirco pe man, e jere corude in cantine: un scûr, un limbo. Là jù e veve cjatât un mocul di cjandele, lu impiave cui dêts che i tremavin (Alan Brusini, Par stradis lungjis)
-
adi.
dal scûr, che nol lasse viodi nuie:
[...] e po vie, tun scûr limbo, tun zito che nancje i gjai no cjantavin, tun frêt che al jentrave pardut a imbramîti (Meni Ucel, Messe a straoris);
"Dulà saraio mai rivât?" al pensave jenfri se. "Cun chest scûr limbo no si capìs un dret" (Josef Cjargnel, La fogolade dal bosc)
