Dizionari de Lenghe Furlane

lili  li|li  [BF, TS]

1. s.m. bot.com. plante dal gjenar Lilium, in particolâr de specie Lilium candidum, e rose di chê plante:  si lave a lilis e ciclamins tas culinis di Cjavaç (Amelia Artico, Zûcs da mularie di un viaç)
   Sin. zi¹ , li²
   
   1. (ancje fig.) in metaforis e paragons, par alc di blanc o di pûr:  à dade une colombe ad un corvat / un lili in man ad un spacecamin (Ermes di Colorêt, I, 22)
2. s.m. [TS] bot.com. plante e rose de famee des Asparagaciis, lat. sient. Convallaria majalis, cun rosutis blancjis odorosis, caraterizade de presince di tossinis:  Caruline su la biele stagjon e vignive jù di chel borc rimpinît di Pobra a cjatâ mê none Gjisele cuntun grant macet di chei flôrs: «Ca mo, Gjisele - e diseve - ti ai puartât i lilis» (Sandri Secco dai Juris, Une rose par ogni stagjon - I lilis)
   Sin. bocalut , lagrimis de Madone , sigjîl di Salomon , buculin , lilie , limon blanc , margarite , margarite blancje , vilie , mughet , moculut