lichignôs
li|chi|gnôs
[CO]
-
adi.
che al à la superficie come mole e bagnade, come alc di frait o cuviert di mucositât:
ostrighis lichignosis (Eugjeni Marcuç, La fantaçute fie dal mâr)
Sin. lichignot
, slichignôs
, slichignot
, lichign
, slichign
, slimi
-
adi., s.m.
che, cui che al è une vore dificil di guscj tal mangjâ o ancje in altris robis, che i ven riviel par ciertis robis o in câs ancje par ciertis personis:
a cjalavin la spongje, lis plui lichignosis le nasavin e cuant che a decidevin di comprâ a tratavin sul presit (Pieri Menis, Il cuader de none);
ah, ben: un cussì lichignôs nol è nissune maravee che al resti vedran! (Bete di Spere, Vegan)
Sin. slichigne
, lichignot
, lichigne
, slichignôs
, slichignot
, sofistic
-
che al è carateristic di cui che al è dificil di guscj:
une femine, cuntune muse lichignose di viziade, e fumave (Pieri Menis, Zilugne)
-
che al è fat par cui che al è dificil di guscj:
il mangjâ lichignôs di cui che al à stomi delicât (Maria Forte, Cjase di Dalban)
