licôf
li|côf
[CO]
-
s.m.
fieste, ancje dome cuntune bevude, che il paron di une cjase ur paie ai operaris che a son daûr a fâle sù, cuant che a rivin al cuviert:
cuant che si rivave al colm, si faseve el licôf, come un eviva, une mirinde e si meteve sul colm une frascje verde, pal pui di peç o di orâr, par dî a ducj che si è rivâts in ponte! (Alceo Muzzolini, Il muridôr);
il licôf si fasilu cuant che il fabricât al è rivât al tiermin, se ben fat, e no prime di scomençâlu (Pieri Pinçan, Cjargne Provincie)
-
fieste, ancje dome cuntune bevude, che il paron al paie ai lavoradôrs cuant che a rivin ae fin o scuasi ae fin ancje di un lavôr che nol sedi une costruzion o cuant che si scree alc:
lis cjastinis, ancje se nol jere bondanzie, no mancjavin mai la sere dai Sants e pal licôf dal scartossâ panolis (Bepi Zampar, Canais di taviele);
siôr professôr, cun mio grant displasê o devi anunziâ che la fieste di vuê pal licôf dal cuadri, e chê plui biele des gnocis [...] a no si fasarà plui (Costantino Smaniotto, Co l'amôr al cimie)
-
fieste che e segne la fin di une dade di timp:
finît il frêt, si saludave cul licôf il timp dal stâ sù te stale [in file]. [...] Pes feminis e jere une ocasion fenomenâl di bevi cualchi tace e ogni anade e leve a finîsi in vuicadis, evivas e grant cjantâ (Ivano Urli, Storiis di un secul di vacjis)
-
fieste in gjenerâl, soredut cuntune buine mangjade e bevude:
i siei compagns lu invidin / a fâ un licôf cun lôr; / siôr Roc nol fâs di mancul (Zaneto, L'ingort)
