libret /-èt/ li|bret [CO]
- s.m. piçul libri, pal solit par tignî notis individuâls o conts economics: "Non ocorrono conferme di nessuno! Qua sono i documenti che parlano!" e al bateve la man sul libret dal lat, spalancât (Riedo Pup, Il moto dal 28)
- s.m. [CO, TS] bancj. viôt libret di sparagn : al butave i cincons di arint di Umberto primo e di so pari, ducj tune cjalce picjade tal mûr che, une volte sglonfe, al leve a disvuedâ in bancje. E la sissule i cresseve sul libret (Alan Brusini, Come tai romançs)
- s.m. [CO, TS] mus., teatr. piçule publicazion cul test di une opare liriche o teatrâl e test di opare liriche o teatrâl: ["La scjarnete"] e à vût trê edizions: 1885, 1910 e 1913; pe part cjantade (16 pagjinis) dome te ultime edizion al è stât stampât il libret complet, cun dute la part recitative e musicâl, cun 52 pagjinis (Bepi Agostinis, Storie e cronistorie dal teatri in Friûl)
