librarie
/-rì-/
li|bra|ri|e
[AF]
-
s.f.
buteghe li che si vendin libris:
i coscj dal stampâ e lis dificultâts de distribuzion (cetantis no sono lis librariis in Furlanie cence libris furlans?) a son un ostacul grivi cuintri il disvilup de nestre produzion (Agnul di Spere, Considerazions sul scrivi prose furlane);
a Bologne Tellini al inviarà une ativitât comerciâl, une librarie anticuarie che, tal centri de citât, e varà il non significatîf di "Libreria Zorutti" (Donato Toffoli, La patrie ladine. Cualchi note su la figure di Achille Tellini)
-
s.f.
mobil a scansiis li che si poin i libris:
mi compri une biele librarie, o meti ben in ordin ducj i miei libris (Jolanda Mazzon, Fûr di timp);
denant dal jet e stave une librarie plene di libris e atris a 'nd jere sul taulin, sul scabel e parfin su la cjadree (Mario De Apollonia, Il timp par ledrôs)
-
s.f.
[BF]
stanzie de cjase li che si tegnin libris:
e lui mi respuindè: / "Parcè tante premure di lâ vie? / Son nome cinc… servît in librarie… / bevarìn il cafè" (Pieri Çorut, Il mus siôr)
Sin. biblioteche