leon
/-òn/
le|on
[AF, TS]
-
s.m.
zool.
grues felin, lat. sient. Panthera leo, che al vîf intes savanis africanis e in cualchi teritori de Indie, une volte ancje in altris zonis de Europe e de Asie:
rivant a Rome la cjosse che i veve fat plui impression al jere stât il fat di sintîsi tune citât dulà che a vevin butât i cristians ai leons (Agnul di Spere, Te grande place);
tes bestiis e esist la agressivitât mortâl fra speciis diferentis (agressivitât predatorie), massime intes speciis che a mangjin cjar. Il leon al mangje la gazele, il lôf al mangje la piore e v.i. (Franc Fari, Il cjâf dai furlans)
Var. lion
-
s.m.
(fig.)
in espressions di paragon o in metaforis, tant che riferiment ae fuarce, ae regalitât, al cûr fuart o ancje prepotence:
un biel zovin, fuart e grues, come un leon (Dolfo Zorzut, No je plui vive);
si sa che Delchi al jere plui cunin che leon, ma ancje i cunins, se maltratâts e sence pussibilitât di scjampâ, a tachin a muardi (Gianni Gregoricchio, Delchi)
Sin. taur
-
s.m.
[TS]
erald.
figure di chel felin tal blason
-
famee, citât, stât e v.i. che al à chê figure tant che steme:
[Bertrant] al si strussià nome a difindi il so principât des bramis e des ambizions che lu strenzevin di dutis lis bandis, e cuintri chei siei dipendents che si vevin vendûts ce a la acuile imperiâl, ce al leon di Vignesie (Josef Marchet, Il patriarcje Bertrant)
-
s.m.
[TS]
astrol., astron.
spec. cu la iniz. maiusc., costelazion dal zodiac e cuint segn zodiacâl:
Il segn dal leon al è dominât dal soreli (Bete di Spere, Zodiac furlan. Leon)
-
cui che al è nassût sot di chel segn, jenfri i 23 di Lui e i 22 di Avost
Polirematichis e espressions idiomatichis
Proverbis:
- la cjavre che no fasi vuere cul leon
- la cjavre no po fâ vuere cul leon
- la piore no po fâ vuere cul leon
- ogni cjan al è leon a cjase sô