leibil /-ìb-/ le|i|bil [BF]
- adi. di test, che par grandece, clarece, stât di conservazion e v. i. si rive a lei: “E chei altris [libris de biblioteche]?” “Boh! Butâts vie, ruvinâts, obsolets e no plui leibii …” (Stiefin Morat, Kebar krossè)
- adi. facil o plasevul di lei: chê grafie e risulte la plui leibil e plui lete de int, usade a lei dibot dome il talian e in gjenerâl ad in plen dineade a fastiliâ par interpretâ scrituris gnovis che ur semein strambis (Lelo Cjanton, Problematiche de Furlanie)
- adi. che si pues lei, che al è a disposizion par jessi let: il gjornâl Le Monde Diplomatique dut voltât par sart e leibil su Internet (Redazion il Diari, Le Monde Diplomatique cumò in lenghe sarde)