legjon
/-òn/
le|gjon
[CO, TS]
-
s.f.
st.milit.
unitât tatiche dal esercit roman di tiere, formade pe plui part di fantarie, derivade de evoluzion de falangje greghe, cun carateristichis che a son cambiadis in part dilunc de storie romane e un numar di oms che al podeve jessi dal ordin di cualchi miâr:
[...] un procès di formazion di reams indipendents. O vin l'esempli, intal 411 de Britanie che e ven bandonade des legjons romanis [...] (Fabian Ros, La invenzion dal stât);
la presince in Aquilee e ancje in dut il Friûl, di cualchi legjon romane che culì si son fermadis e che a àn fat i lôr cuartîrs gjenerâi, no mancjin di influî sui stes prodots artistics (Bepi Agostinis, Storie de art in Friûl)
-
s.f.
milit.
tai esercits modernis e contemporanis, cuarp militâr formât di volontaris, ancje di nazionalitâts forestis:
di ricuardâ ancje, come iniziative di Cavedalis, la costituzion a la fin di Otubar di une legjon furlane di 600 oms, comandâts dal udinês Zuan Batiste Giupponi. La legjon e rivarà a 862 components tal Fevrâr dal '49 (Giovanni Pillinini, Zuan Batiste Cavedalis - Une vite esemplâr)
-
ancje tant che denominazion di cuarps militârs no propit di volontaris:
tal Mai dal ’40 al fo mobilitât inte Legjon de Milizie Contraerie, là che al restà fin ae fin dal an (Ermanno Dentesano, Lis dôs storiis parelis di Toni Panigut e Checo Zanin, cugnâts di Cjamin)