leâl
le|âl
[CO]
-
adi.
che si compuarte in maniere rispietose des regulis, des personis, dal onôr, che al ten la peraule e che nol fâs meschinitâts:
o sint che i siei clients / e son propri contents; / lu cjatin galantom, atîf, leâl, / e nuie afat venâl (Pieri Çorut, Ne lis gnocis Riç-Ribano);
"Tu sês un valorôs. Ti ai cognossût dal prin moment come un leâl copari" (Pepi di Luise, L'anel de maghe Circe);
il furlan, che mê mari mi à insegnât / je la lenghe che dopri plui di gust. / Sedie tratant cul public che in privât, / o procuri di sei leâl e just (Pieri Masut, I conotâts)
Var. liâl
