laudâsi
lau|dâ|si
[CO]
-
v.pron.intr.
dâsi glorie di bessôl, fâsi compliments di bessôl o ancje complasêsi di alc che si calcole un onôr o une fortune:
al à imbrucjade e tignude la strade maestre, la plui drete, e al po laudâsi di jessisi intivât a induvinânt plui di une (Josef Marchet, E cumò?);
"No par laudâsi, ma o podìn dî che o cjaminìn cul cjâf alt" (Luciano Rocco, La foghere)
Sin. ingloriâsi
, svantâsi
, gloriâsi
Cfr. tignîsi in bon
-
v.pron.intr.
fâ compliments a cdn.:
«Bon il vuestri vin» si laudave cu la Tilde. «Al è un vin fat cui pîts, il nestri» e rideve jê (Maria Forte, La tiere di Lansing)
Sin. complimentâsi
, indalegrâsi
Proverbis:
- cui che si laude nol vâl un bêç
- la buine robe si laude da se
- la robe si laude da se
- lauditi cjan che tu âs la code lungje
- lauditi cjan che tu âs une biele code
