langobart
/-àrt/
lan|go|bart
[AF]
-
s.m.
[TS]
stor.
tal pl., popul gjermanic, che la tradizion e dîs che al fos origjinari de Scandinavie, migrât traviers de Europe che tal 568 lu à puartât a concuistâ part de Italie e a fondâ in particolâr il ducât dal Friûl, cun capitâl a Cividât:
i Langobarts si jerin aromai ducj messedâts cui antîcs abitants dal Friûl e a formavin un sôl popul (Josef Marchet, Cuintristorie dal Friûl fin sot la Italie)
-
s.m., adi.
che, cui che al fâs part di chel popul:
il re langobart Alboin al decît di fâ duche di chel prin teritori so nevôt Gjisulf (Sandri Carrozzo, L'indipendentist langobart)
-
adi.
di chel popul e dai siei membris, relatîf a chel popul e ai siei membris, ae lôr ete, politiche, culture e v.i.:
za inte ete langobarde, jenfri il secul VI e IX, il Friûl al gjoldeve di une grande autonomie rispiet ae corone che e steve a Pavie (Angelo Floramo, Ri-cognossi la autonomie)
-
s.m., adi.
[TS]
lenghe gjermaniche ocidentâl fevelade di chel popul, salacor no diferenziade dal bavar:
il langobart al partigneve al sisteme alt todesc ma, vie pe ete des migrazions al veve cognossût ancje la influence dal sasson (Sandri Carrozzo, Il Hildebrandslied e la nassite de epiche gjermaniche)
