ladin2  /-ìn/  la|din  [AF, TS]

  1. s.m., adi. ling. grup di lenghis neolatinis feveladis pal plui tai Grisons, tes dolomitis e in Friûl, che a àn par carateristichis principâls la conservazion dal plurâl sigmatic, la palatalizazion di CA e GA e, pal solit, il mantigniment dai grups formâts di oclusive plui licuide:  si pues imagjinâ un continuum linguistic ladin che al partive da pît des Alps de Svuizare par rivâ al mâr de Istrie (Alessio Potocco, Tergjestin, il ladin di… Triest)
    Cfr. retoromanic
    1. s.m., adi. varietât di chel grup di lenghis, in particolâr in riferiment, ancje esclusîf, aes varietâts dolomitichis:  sul cont dal Ladin des cuatri valadis dolomitanis, o savìn che tal progjet di autonomie mandât a Rome pe aprovazion al è stabilît che il lengaç ladin al devi jessi uficialmentri ricognossût e introdusût intes scuelis (Josef Marchet, Autonomie e lengaç)
    2. adi. scrit o fevelât intune di chês lenghis:  inte Biblioteche Jagjeloniche […] di Cracovie si cjatin cuatri manuscrits furlans dal Sietcent e dal Votcent, che a son part de racuelte ladine di Eduard Böhmer (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
  2. adi., s.m. che, cui che al fevele une varietât che e parten a chel grup di lenghis,:  lis ideis di Tellini in cont de nazion ladine e de dignitât linguistiche dal furlan e devin vê pesât inte vision teoriche che Marchi al jere daûr a madressi (Max Mauro, Felix Marchi e il sium dal furlan-furlan); chei de Lia [Rumantscha] a vevin racuelt pes bisugnis dai fradis ladins furlans batûts dal taramot 220 milions di francs svuizars cuntune sotscrizion (Adrian Cescje, Memoriis di politiche linguistiche)
    1. ancje un riferiment particolâr o esclusîf aes comunitâts dolomitichis:  l'ûs de definizion di seconde Irlande al cjatarà ancjemò rivoc tes aulis parlamentârs (e no dome) e, plui indenant, al metarà dongje ai furlans, ai slovens e ai cravuats ancje i sudtirolês, i ladins e i sarts (Carli Pup, La seconde Irlande)
    2. di chês comunitâts:  lis tutres a son grancj discs di paste di siale, farsîts e frits, tipics de cusine ladine (Sandri Carrozzo, Tutres)

Altris Imprescj

Coretôr Ortografic

Il coretôr online pai tescj furlans.

Dizionari Bilengâl
Talian-Furlan

Il plui complet dizionari dal Talian al Furlan (passe 76.000 lemis) e no dome.

Dizionari des Formis

Par cognossi la flession dai lemis furlans: la coniugazion pai verps e la declinazion pai nons e adietîfs.

Sinonims e Contraris

Par cjatâ la juste peraule.

Lenghis

La plataforme didatiche pe scuele furlane.