laboriôs la|bo|ri|ôs [CO]
-
adi.
che al lavore tant e vulintîr:
il popul plui morâl, plui savi, plui laboriôs, plui onest e plui pusitîf, che nol si lasse inzingarâ da lis cjacaris dai çarlatans (Achil Telin, La Patrie Ladine, I, 1);
[...] decidi cuâi che a son i valôrs di meti in bande. Famee, leam cu la tiere, salacor il so jessi laboriôs, la sô onestât di fonde, e vie indenant? (Dree Valcic, Indevant cu la nestre muse, cence simiotâ)
Sin. lavoradôr - adi. che pe sô complessitât al domande lavôr, impegn, precision: meti dongje regulis cussì al è une vore laboriôs (Vladimír Petkevič, trad. di Zorç Cadorin, Corpus linguistics); fâ un bon brût al è ancje une robe une vore facil, just un tic laboriose, ma che e vâl di sigûr la pene (Margherita Timeus, Il brût, la linfe dal Invier)
- l'om laboriôs al è libar; l'om poltron al è sclâf
- l'om laboriôs nol dipent di nissun, al è libar; l'om poltron al è sogjet a ducj, al è sclâf