labirint
/-ìnt/
la|bi|rint
[CO, TS]
-
s.m.
mitol.
costruzion complicade, fate in mût che cui che al jentre nol rivi a cjatâ la maniere di vignî fûr:
par svindicâsi dal re di Babilonie che lu à ufindût fasintlu pierdisi intun labirint intrigadon, il re di Arabie al abandone il nemì intun labirint «ancjemò miôr»: il desert (Mario Turello, Cumbinazions e leterature)
Var. laberint
, labarint
-
s.m.
(fig.)
cualsisei struture, materiâl o imateriâl, une vore complicade:
fra dutis chês somitâts, un labirint di vals e di fluns si incrosa di dutis lis bandis (Federigo Comelli, Il me paîs);
o levin simpri a zuiâ ta chel labirint di coridôrs e cjamaris, stant atents a no fâsi brincâ dal gastalt (Checo Tam, Ombris);
jentrâ intun labirint speculatîf di li che no si rivarès a saltâ fûr (Fabian Ros, La art e lis sôs funzions)
-
s.m.
zûcs
zûc di enigmistiche li che al è dissegnât un complès di percors, che plui di cualchidun nol mene di nissune bande, cuntune jentrade e une jessude e si à di segnâ cuntune linie il percors just
-
s.m.
anat.
orghin di percezion dal ecuilibri che al è dentri de orele
