Dizionari de Lenghe Furlane

la¹  la  [FO]

1. art.def. articul definît feminin:  la mestre, stufe di lotâ cuintri di me - mi veve metude une note (Gianni Gregoricchio, Trê feminis); la nestre int e à un fuart sens di solidarietât (Christian Romanin, Amato De Monte: Il Friûl, patrie des bataiis di civiltât); o ai jo la idee juste par comedâ lis robis (Franca Mainardis, Un bosc cence colôrs)
   Var. le
   
   1. devant di cierts sostantîfs, spec. di parintât, al pues vê valôr di possessîf:  o jerin cun cualchi intric, jo e la femine. O vevin vût une vore di spesis (Meni Ucel, Culumiis)
   2. cualchi volte ancje devant di nons propris e une vore dispès devant di sorenons:  Serafin nol jere. E jere nome la Berte, la femine, che ur disè: «Sentaitsi, spietaitlu che nol varès di intardâsi» (Meni Ucel, Il salam)
   3. si dopre simpri devant dal cognon se al è la uniche indicazion onomastiche doprade par dî une persone di gjenar feminin:  Reagan e la Thatcher a son muarts di un pieç, ma la lôr ideologjie no je muarte (Enos Costantin, Vive la Patrie!); sedi Çorut che la Percude a scrivin intun furlan che al lasse in bande i elements margjinâi (Cristina Cescutti, Leterature furlane)