jeroglific /-glì-/ je|ro|gli|fic [CO, TS]
- adi. di sisteme di scriture, fondât su simbui ideografics e fonetics, in particolâr in riferiment ae scriture dal Egjit antîc: [...] par rivâ fintremai ae scriture, ideogramatiche, jeroglifiche, alfabetiche (Fabian Ros, La art e lis sôs funzions)
- s.m. archeol. simbul doprât te scriture dal Egjit antîc: se no vessin vût la piere di Rosetta (anzit, di Rosetta/Rashid/رشيد …), che e à parsore il stes test scrit cui jeroglifics, cu la scriture demotiche e ancje par grêc classic, salacor al sarès stât impussibil capî i jeroglifics (Sandri Carrozzo, Cuintri dal bilinguisim speculâr)
- s.m. (fig.) scriture o simbul che no si rive a capî o che nol à nissun significât: intant al dissegnave cul dêt jeroglifics sul veri fluscât (Franco Marchetta, I vuarfins dal Nûfcent)
