isule
/ì-/
i|su|le
[FO]
-
s.f.
regjon o ancje piçule estension di tiere, che e à aghe tor ator, di dutis lis bandis:
Grau e je la uniche isule abitade de regjon furlane (Josef Marchet, Cuintristorie dal Friûl fin sot la Italie);
arivâts là che la laguna si estint, senza il rapâr di chês isulis lungjis e incrosadis fra lôr, buliva il mâr plui furiôs, la aria no veva riten (Federigo Comelli, Il me paîs)
-
(loc.)
te Basse, lenghe di tiere tal mieç di un volt di un flum, ancje se no à la aghe di dutis lis bandis
-
s.f.
(fig.)
lûc o cundizion che si distache in mût clâr e net dal ambient intor:
la glesie e jere une isule di pâs (Maria Forte, La tiere di Lansing);
la grande cjase blancje di trê plans e respirave te cuiete la arie frescje imbombade di nulôr dai peçs che le centavin e le disseparavin dal rest dal mont, tignintle in muel intune isule di frescure e cidinôr (Roberto Ongaro, Cretevierte)
-
s.f.
comunitât teritoriâl che si diferenzie di chês che e à intor par cierts caratars linguistics, etnics e v.i.:
[tal cuadri des altris regjons] ni il Friûl orientâl, ni la Sclavanie viere, ni chê gnove, ni lis isulis aloglotis no varessin nissun ricognossiment, nissune vôs, nissune sodisfazion des lôr justis aspirazions (Josef Marchet, Gjambadoriis)
-
s.f.
[TS]
anat., biol.
struture anatomiche ben definide e delimitade
Sin. isulute
-
[TS]
anat., biol.
complès di celulis di struture omogjenie diferenziât dal tiessût intor
Sin. isulute