interpretatîf in|ter|pre|ta|tîf [CO]
- adi. de interpretazion, che al à a ce fâ cu la interpretazion, che al permet di interpretâ e v.i.: par lei dutis chestis robis, la cundizion al contor dal Pont Omega no baste: a coventin imprescj interpretatîfs leâts a la teorie de informazion e de realtât virtuâl (Sergio Cecotti, Teologjie algjebriche); il lengaç nus permet di creâ codis e sistemis interpretatîfs e cognossitîfs (Stefano Bulfone, Ise "nome" une lenghe?)
- adi. de maniere di recitâ di un atôr: “Il Terzo Leone” al è tignût in pîts de bravure interpretative dai atôrs che a incolmin i limits e i fai de senegjature (Fabian Ros, Un leon sdenteât)
- adi. de maniere di eseguî un toc musicâl: [...] par mert des sieltis armonichis dal compositôr triestin Marco Sofianopulo, ma ancje in gracie dal gust interpretatîf dai esecutôrs (Redazion La Patrie dal Friûl, E jo cjanti…)