intercetâ in|ter|ce|tâ [CO, TS]
- v.tr. milit. impedî il passaç o la azion di mieçs o personis, soredut incrosant la lôr traietorie e fasintjur cuintri: la pueste e rivave regolarmentri, ancje se il nemì al intercetave dispès lis nâfs o i avions talians (Checo Tam, La vuere di Checo)
- v.tr. sport rivâ a interompi la azion dal aversari: al cîr di servî un compagn e il balon al ven intercetât (Marc Stolf, Pordenone – Ascoli 0-1)
- v.tr. sintî, lei o capî alc di risiervât o che in ogni câs al jere indreçât a altris
- v.tr. cjapâ un segnâl, un flus, metintitsi su la sô traietorie e blocantlu o fasintsi traviersâ: si pues viodi che la lûs laser e je polarizade, al baste pontâ il fas cuintri dal mûr e intercetâle cuntun polaroid (Marisa Michelini, Alberto Stefanel, La polarizazion de lûs)
- v.tr. (fig.) rivâ a capî, a cjapâ sù, a cjapâ dentri: D’Aronco e Tessitori a son cunsiderâts e ricognossûts come i statiscj furlans che e àn brincât par prins i segnâi dai timps gnûfs e che, une volte intercetâts, ju àn fats deventâ la fonde da lôr progjet pulitic (Riedo Pup, Bossi nol jere inmò nassût)
