instalazion
/-òn/
ins|ta|la|zi|on
[CO]
-
s.f.
at li che cdn. al cjape une autoritât o al ven fat jentrâ in cjarie, soredut in maniere formâl:
lis sintinelis al capopuest clameran ancja avant il governatôr de la provincia “Gewehr heraus!” a lis instalazions, cortegjos di cualuncue sei sorte che vegnin fats cun solenitât (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
s.f.
il meti a stâ o il lâ a stâ di cdn. intun puest
-
puest dulà che cdn. si met a vivi, cun dutis lis struturis che i coventin, in gjenar in riferiment a une comunitât:
dulà che al gjavave la arzile par fâ modons al cjatât une instalazion di palafitis (Francesc Placerean, La nestre storie);
lis primis cjartis stampadis a ripuartavin i nons soredut di instalazions "fuartis", ven a stâi cu la cente murade (Lucio Perès, Zaia: un toponim misteriôs)
-
s.f.
complès des operazions che a coventin par montâ un aparât, une furnidure, un implant:
la Edipower S.p.A., proprietarie de centrâl idroeletriche di Somplâc, e à presentât un progjet [...] che al proviôt [...] la instalazion, dongje des 3 turbinis za in vore, di 2 turbinis “reversibilis” (Marta Vezzi, Lâcs di Cjavaç e Verzegnis in pericul)
-
complès dai aparâts o implants montâts:
tal aereopuart internazionâl lis instalazions tecnichis a lerin indevant a funzionâ (Jolanda Mazzon, Nol capitarà plui)
-
s.f.
[CO, TS]
art
disposizion resonade e complès di oparis disponudis in maniere resonade dal artist pe esposizion, in câs ancje intun puest diferent di un museu o di une galarie, ancje tal viert:
"Art in farc #2", mostre di instalazions artistichis tal bosc dal plan de Farcadice, in comun di Faedis (Erika Adami, Art tal bosc. Un confront tal rispiet dal ambient)
-
s.f.
[CO, TS]
inform.
procès informatic che al fâs jentrâ e al met in cundizion di funzionâ un program o une part di program intun sisteme:
la fase di instalazion e je particolarmentri curade e ae fin si podarà gjoldi il gnûf sisteme operatîf che za di base al inclût dute une schirie di programs ecuivalents o in tancj câs miôr di chei che si doprin su Windows (Andrea Decorte, Linux: libars di… digjitâ)