inset
/-èt/
in|set
[CO, TS]
-
s.m.
zool., entom.
animâl invertebrât cun trê parts dal cuarp ben distintis, cjâf, toraç e adom, e sîs çatis:
i insets sociâi (âfs, furmiis, jespis, termitis) (Angelo Vianello, La evoluzion su la tiere. Une storie di competizion e cooperazion);
cjalait ben che il ragn nol va catalogât cui insets (Juliane Franco, Il ragn)
-
tal pl., cun iniz. maiusc., classe dai artropots formade di chei animâi invertebrâts che a àn trê parts dal cuarp ben distintis, cjâf, toraç e adom, e sîs çatis
-
s.m.
(impropr.)
cualsisei piçul invertebrât, ancje se nol fâs part di chê classe di artropots:
di solit son i fruts che àn chel inset [il pedoli], / ma fruts che stan un pieç sence lavâ (Pieri Mation, Il pedoli)
-
s.m.
(fig., spres.)
bestie, o ancje persone, une vore piçule, soredut se e fâs dam o se e da fastidi:
i contadins a scuegnin picjâ sbrendui e pipinots par tignî lontan chei insets di uciei alì (Riedo Pup, La passare di Dedeà);
"Mi mancje parfin la fuarce di fracâi la nape a chel inset li [a Fracanapa]." (Lelo Cjanton, Il Strolic furlan pal 1985)
-
ogjet piçul, soredut pôc impuartant:
centenârs di sputnics e di altris insets che a zirin tor de tiare (Riedo Pup, Lis mudantis tricolôr)