inseparabil
/-rà-/
in|se|pa|ra|bil
[CO]
-
adi.
che nol pues jessi separât, dividût in plui parts o dividût di alc altri:
e pensâ che la fedeltât e veve a ce fâ cul podê, che e jere un atribût inseparabil dal podê, un so strassin, une decorazion (Pierluigi Visintin, La margarite zale);
nol è vêr che il matrimoni al sedi inseparabil parcè che al è un afiet. I afiets, in chest mont, a nassin, i afiets a durin, i afiets a muerin (Francesc Placerean, Tal matrimoni l'amôr al devente virtût e sacrament dal amôr di Diu par nô)
-
adi.
(ancje iperb.)
che nol pues jessi slontanât di cdn., che al sta simpri insiemi cun cdn.:
ti saludi, cjâr il mio Florean, e vûl simpri ben al to inseparabil Venturin (Vincenzo Luccardi, Florean dal Palaç, III, 39);
[Carmina e Armida] nol era nencja di pensâ di viodilis par un mumint ogniduna par cont so, che a erin inseparabilis (Elvio Loretti, La Carmina e la Armida)
-
ancje di alc, che si lu à simpri dongje, simpri intor:
l’inseparabil celulâr che al suna in ogni moment (Silvia Puntel, Fâ il preidi in dì di vuei, nol è coma îr)
