insegne
/-sè-/
in|se|gne
[CO]
-
s.f.
supuart, tant che une plache, une bree o ancje une bandiere o un standart cuntune peraule, une frase o un simbul che a coventin a identificâ une persone, un grup di personis, une buteghe, une organizazion e v.i.:
si jere fermât denant de sole ostarie, che e veve la insegne piturade a man, e al jere jentrât (Franca Mainardis, Il sium di Lissandri);
lis insegnis cu la crôs di Constantin (Checo Tam, Sol invictus)
-
cualsisei simbul o cartel o placât o altri, ancje no identificatîf, fat par comunicâ alc:
si viôt par stis contradis / grant moviment, e insegnis di corot / sui balcons, sui rebats, su lis façadis (Pieri Çorut, Il nestri dolôr in muart del Arcivescul Zacarie Bricito)
