Dizionari de Lenghe Furlane

inrusinî  in|ru|si|nî  [CO]

1. v.tr. fâ vignî il rusin, fâ ossidâ il fier
   Var. inruzinî
   
   1. (fig.) vuastâ, intacâ
   2. (fig.) fâ cjapâ un colôr ros scûr:  Bastian, la piel inrusinide dal Istât e un çuf poiât sui bruscs dal so cerneli di cuindis agns, nol sarès plui vignût a fâ il bagn te gjave di Pampalune (Raffaele Serafini, La gjave di Pampalune)
2. v.intr. dal fier o di alc fat di fier, lâ in rusin, ossidâsi:  sul mâr si mûr, a planc si mûr / come la nâf che inrusinìs (Vico Bressan, Cîl e aghe)
   Sin. inrusinîsi
   
   1. (fig.) ancje di alc no di fier, vuastâsi, intacâsi inte struture e v.i.
   2. (fig.) cjapâ un colôr ros scûr
   3. (fig.) restâ fer, no doprât, no in esercizi:  machinis e machinaris par pleâ o par taiâ il fier lassâts culì a inrusinî (Igor Londero, Delit in vie del Lavoro)