inricjiment
/-ènt/
in|ri|cji|ment
[CO]
-
s.m.
il deventâ o il fâ deventâ plui siôr a nivel economic:
la economie, inte gnove acezion dal tiermin (no tal sens aristotelic) no je altri che un interferî cu la realtât esteriôr, un at creatîf, che al à come funzion il sostentament e l'inricjiment stes dal om (Fabian Ros, Indipendence)
-
s.m.
il fâ deventâ o il deventâ plui siôr in robis che no son bêçs o ricjecis venâls:
imparâ te scuele ancje il furlan nol gjave nuie a chês altris materiis, ancje lis plui gnovis, ma al devente un inricjiment di grant spessôr culturâl e di civiltât (Ottorino Dolso, Oms, timps e passion)
Sin. insiorament
-
il fâ deventâ o il deventâ plui svariât, bondant e v.i.:
l'intindiment de “Sff” al è chel di dâi une contribuzion al inricjiment dal gnûf e origjinâl repertori poetic e musicâl par furlan (Lucio Perès, Cjantutis par fruts)
-
s.m.
[TS]
fis., chim.
incressite artificiâl de presince o de concentrazion di un element o di un component:
tal urani naturâl l'urani-235 al è presint dome pal 0,72%, pal lôr funzionament i reatôrs BWR a domandin un inricjiment di cirche il 3% (Alessandro Pascolini, Il disastri de centrâl nucleâr di Fukushima Dai-ichi)