inmurâ
in|mu|râ
[CO]
-
v.tr.
meti dentri o fissâ tun mûr:
sot dal ultin cop dal colm, a inmurarin un veri di aghe sante cun ramutis di ulîf infûr (Dino Virgili, La aghe da pît la cleve);
e vuê culì su la sô cjase o sin vignûts a inmurâ cheste lapide di piere e di bronç: ACHÌ - DAL 1882 - AL È NASSÛT UGO PELLIS (Dino Virgili, cit. in Sot la nape, 21, 4)
Sin. murâ
-
v.tr.
cuvierzi o stropâ cuntun mûr:
inte struture dai mûrs a si viodin ancjemò i segnos di indulà che al jere [il for] prime di sei inmurât (Eraldo Sgubin, Lis cjasis de Mont Cuarine di Cormons: un patrimoni di salvâ)
Sin. murâ
-
v.tr.
impresonâ intun spazi piçul, dut sierât di mûr:
chês fantatis che e vevin di sposâsi e che ur comodavin... e vevin prime di doprâlis lôr... dopo, se ur comodave, lis tornavin a mandâ jù... se no, lis copavin... e disevin che lis inmuravin in chê nicje dal cjiscjel grant (Romano Binutti, I cjiscjei di Partistagn fra storie archeologjie e leiende)
-
v.tr.
sierâ cun muris, muraiis:
prime di dut cumò si à di pensâ / a inmurâ la citât: / vin claps, vin savalon, / se no vin bêçs, vin buine volontât (Pieri Çorut, Il gustâ)
-
v.tr.
(fig.)
sierâ, limitâ in maniere impussibile di passâ, someti a une costrizion:
la vite si scunive. La gnot, invezit di jessi un salustri, e deventave une pinitince, un masegn che la inmurave (Maria Forte, La tiere di Lansing)