Dizionari de Lenghe Furlane

ingrandiment  /-ènt/  in|gran|di|ment  [CO]

1. s.m. azion di fâ deventâ o di deventâ plui grant:  la planta de la zitât di Guriza cun ducj i meioraments, abeliments e ingrandiments che saressin stâts praticâts (Zuan Luîs Filli, Almanac di Guriza par l'an comun 1857)
2. s.m. procediment che al fâs che si puedi viodi alc plui in grant, midiant di lints o altris struments otics o digjitâi:  daûr del calcul de fuarce di ingrandiment e de puartade di chescj struments [dai telescopis], si devi par necessitât concludi che la lûs di chestis ultimis stelis a devi impiegâ plui miârs di agn prime di rivâ al nestri voli (Giuseppe Ferdinando del Torre, Il contadinel. Lunari par l'an 1858); lis gnovis tecnologjiis a àn in permetût di rivâ fin a 100.000 ingrandiments cul microscopi a scansion eletroniche (Andrea Pessina, Gaetano Vinciguerra, La preistorie in Friûl)
3. s.m. [CO, TS] fotogr. fotografie stampade in formât plui grant dal normâl:  si inacuarzè dai ritrats dai barbis che a jerin un di ca e un di là dal caminet; doi ingrandiments che a fasevin une figurone (Pieri Menis, Chei di Muraie)
   
   1. imagjin che e ven stampade mostrant in grant un detai di une fotografie