ingranâ
in|gra|nâ
[CO, TS]
-
v.tr.
mec.
(ancje fig., ancje ass.)
fâ jentrâ i elements di un mecanisim in contat e in frizion cun altris in moviment, dispès in riferiment aes marcjis di un veicul:
[tal desert] nissun pericul. Se o ingranavi par lâ a cessecûl, nol ocoreve che o mi voltàs par cjalâ là che o lavi (Renzo Valente, trad. Meni Ucel, Lis carocis di Marcjât Vieri)
-
(fig.)
fâ jentrâ indentri e fâ tacâ a funzionâ:
ingranâ l'odio, la discordie, la ruìne des fameis (Giuseppe Ferdinando del Torre, Il contadinel. Lunari par l'an 1863)
-
v.intr.
mec.
(ancje fig.)
di elements di un mecanisim, jentrâ in contat e in frizion cun altris in moviment
Sin. ingranâsi
-
(fig.)
ancje di cdn. o di alc che nol sedi un mecanisim, vê une reazion, un principi di azion, tacâ a funzionâ:
[i cjocs] a spicin lis orelis par sintî miôr e capî, po a rispuindin, la volte che a ingranin: «Sì, o sin ca; ma vualtris cui sêso? ce olêso?» (Meni Ucel, Crôs rosse)