infusion
/-òn/
in|fu|si|on
[CO]
-
s.f.
procediment li che tun licuit, pal solit cjalt, si ten in muel materie organiche par che e lassi in soluzion sostancis:
meti a boli il rest [dal lat di mandulis] cu la piel di limon e la bachete di canele, cuant che al jeve il bol studâ e lassâ in infusion (Sandri Carrozzo, Menjar blanc)
-
s.f.
licuit, pal solit cjalt, li che e je stade in muel materie organiche che e à lassât in soluzion sostancis:
[bevi] al è impuartant soredut inte stagjon cjalde, e in particolâr pai fruts e i anzians. No dome aghe semplice o aromatizade cun cualchi fuee di mente, cuntun pôc di struc di limon o cuntune fete di naranç, ma ancje une tisane o une infusion (Guglielmo Pitzalis, Mangje san 2)
Sin. infûs
-
s.f.
[TS]
gastr.
procediment li che si lasse polsâ la cjar cun licuits, pal solit che a vedin un ciert grât di aciditât, e droghis che i smolin lis fibris e che i dedin savôr:
savêso cemût che si prepare il jeur a la cjaçadore? Dopo 12 oris di infusion dai tocs in aghe, vin, asêt, sal, pevar, cevole, ai, timo, mazorane, osmarin, carotis, orâr e salvie, e brucjis di garoful, si met il jeur a cuei in padiele (Emilia Baldassarre, Ort e cusine)
Sin. marinadure
-
s.f.
[TS]
religj., fis.
procediment metafisic che al fasarès jentrâ dal difûr une entitât spirituâl, une cognossince, une cualitât e v.i. te persone:
in chescj mês si à viodût a centuplicâ i esperts in biologjie, in tecnologjie inseminative, in infusion da la anime o in negazion da la anime stesse (Antoni Beline, Salvâ l'embrion dal sintiment)
