informâl
in|for|mâl
[CO]
-
adi.
di corint e produzion artistiche, tipiche dal secul XX, che si opon ae rapresentazion di figuris definidis e obietivis:
test e disens dal autôr, chi si intivin e si soreponin cui colôrs e i segns de art informâl, cuntun straordenari risultât cromatic e dal dut funzionâl a un percors didatic (Fabian Ros, Guggenheim par furlan);
Zigaina al è passât prime a une indagjin plui gjenerâl de condizion dal om e de nature [...] e, po dopo, a une piture simpri plui astrate e informâl (Erika Adami, Falcets e bicicletis, tocs de storie furlane)
-
adi., s.m.
artist che in maniere programatiche nol rapresente figuris definidis e obietivis
-
s.m.
concet e rapresentazion artistiche che e refude lis figuris definidis e obietivis:
piturâ la astrazion, chel che a clamavin l'informâl (Carlo Sgorlon, Ombris tal infinît)
-
adi.
che nol à caratar di formalitât, di uficialitât:
dutis lis mês pôris si son sfantadis cu la prime votazion, che e je stade informâl, orientative, che e je risultade pal gno viodi plui buine di ce che o vevi pensât (Adrian Cescje, Memoriis di politiche linguistiche);
«Cormôr Salvadi» al è di agns il festival plui informâl, zovin e vivarôs (Dree Venier, Il festival salvadi)