inerzie /-èr-/ in|er|zi|e [CO]
- s.f. mancjance di ativitât, di azion, di produzion, di moviment: cul fer proponiment di solevâ dal abandon e da la inerzie chest puar paîs (Giuseppe Ferdinando del Torre, Il contadinel. Lunari par l'an 1893); la inerzie invincibile [de burocrazie] che e fâs lâ straçade dute la fuarce dai motôrs ministeriâi (Josef Marchet, La scrassigne)
- s.f. [TS] fis. tindince di un cuarp a no cambiâ il so stât di moviment o di no moviment: la idee dal “Principi di Ecuivalence” e je une estension dal “Principi di Inerzie”; chest ultin al prescrîf che, in assence di fuarcis, doi cuarps cualsisedi a seguissin la stesse traietorie – retilinie e a velocitât avuâl – (simpri se a àn la stesse cundizion iniziâl) (Sergio Cecotti, Teologjie algjebriche)
- s.f. continuitât di une cualsisei dinamiche, no par vie di un impuls gnûf ma dome pal fat di jessi za inviade: finî intune sorte di macroregjon padane, che e sarès puartade par inerzie a perpetuâ la assimilazion linguistiche taliane e la emargjinazion socioeconomiche des regjons periferichis (Sandri Carrozzo, Notis di politiche linguistiche par un Friûl diferent)