indurîsi
in|du|rî|si
[CO]
-
v.pron.intr.
deventâ dûr o plui dûr:
la nêf alte si jere induride e la slite si alçave e no faseve prese (Pieri Somede dai Marcs, 11 di Fevrâr 1929);
la spongje e, dopo di vêle striçade dal pignot, le mandavin jù pal poç tal zei dal lidric par che si indurìs vie pe gnot (Pieri Menis, Il cuader de none)
-
deventâ plui rigjit:
par fâ i bocui e i riçots tai cjavei, ju bagnavin parfin cu la aghe e zucar, che si indurissin (AAVV, Sul florî)
-
metisi in tension o in contrazion:
i pagnuts dai braçs si indurivin come di clap (Dino Virgili, La aghe da pît la cleve)
-
v.tr.
(fig.)
deventâ insensibil o ancje trist:
une femine che cul timp a lâ si indurive ogni dì plui pal vivi cruziât che i jere tocjât (Mario De Apollonia, Il timp par ledrôs)
-
v.tr.
(fig.)
deventâ plui sevêr, plui agressîf e v.i.:
Mariane e tignive i voi inclaudâts par tiare, ma la muse si jere induride (Gianni Gregoricchio, Îr e doman)
-
deventâ plui fiscâl, plui dificil di passâ, di sopuartâ e v.i.
