indorât
in|do|rât
[CO]
-
p.pass., adi.
cuviert o piturât di aur, viôt indorâ
, viôt indorâsi
:
chel altâr di len intaiât, plen di statuinis indoradis (Josef Marchet, Lis predicjis dal muini);
un Crist di carton indorât (Novella Cantarutti, Il Crist sclagn)
-
adi.
che al à il colôr e il lusôr dal aur o che al à sfumaduris di chel colôr:
cuant che si forme une biele croste indorade, zirâ il frico e lassâlu indorâ ancje di chê altre bande (Serena Fogolini, Il frico ae concuiste de Americhe)
Sin. biont
-
adi.
(fig.)
che al è plen di sflandôr, di ricjece, di benstâ, di felicitât o di cualsisei robe che si puedi paragonâ cul aur:
parcè volevio par dutis lis viis spalancâ la puarte insom dal zardin indorât e luminôs che jê mi veve fabricât dulintor […]? (Carlo Sgorlon, Il dolfin)