indorâ
in|do|râ
[CO]
-
v.tr.
cuvierzi di fuee di aur o di piture che e à il colôr dal aur:
dei a Zuanut impintidôr perçò che el impintì la finestra de lis relicuiis e indorà la ancona e fermà lis colonis libr. VII ÷ di dnr. (Zuan di Jacuç Furtin, Cuader de plêf di Sante Marie Maiôr a Glemone, 1393-1394)
Sin. dorâ
Var. indaurâ
-
(ancje fig.)
cuvierzi di aur, jemplâ di aur, fâ deventâ siôr:
Rugjêr Sandri Zuan duche di Bauffremont al à sposât tal Otubar 1819 Laure Adelaide Luigje Adriane Leroux, lui da la aristocrazie de nassite, jê di chê de bancje; i milions dal bancjîr e àn indorât la corone ducâl (Vincenzo Luccardi, Florean dal Palaç, II, 7)
-
(iperb.)
ancje in espressions negativis, par pandi une volontât contrarie assolude:
nol sarès lât cun so barbe par nuie di chest mont, nancje se lu ves indorât (Pieri Menis, Chei di Muraie)
-
v.tr.
(fig.)
fâ che alc al vedi il colôr, il riflès o l'aspiet dal aur:
alci i voi e contempli il firmament, / la albe che indore il mont / e la lûs che si slargje a pont a pont; / contempli la armonie, la misure, / che regne inte nature (Pieri Çorut, La gnot dei muarts);
[...] colôr di rosa come li pichis da monts dal so paîs cuant che al soreli li indora (Ugo Pellis, Catinuta)
Sin. dorâ
-
fâ cjapâ un biel colôr a alc che si cusine
-
v.tr.
[BF, TS]
gastr.
passâ te farine e tal ûf sbatût o tal ros dal ûf sbatût:
indorâ lis polpetis, la friture (Giulio Andrea Pirona, Novo vocabolario friulano)
Proverbis:
- cualchi len al nas par indorâ, cualchidun par bati il mus e cualchidun par fâ coronis
- cui al è par indorâ sants, cui par fâ sacodâi di mus
