Dizionari de Lenghe Furlane

incoronazion  /-òn/  in|co|ro|na|zi|on  [CO]

1. s.f. at e cerimonie li che si met pe prime volte la corone a cui che al cjape un podê monarchic:  l'imperadôr Fidrì II al conferme al patriarcje di Aquilee Bertolt di Andechs, che al veve cjapât part ae sô incoronazion, dutis lis prerogativis propriis de paronance patriarcjâl sul Friûl (Gian Carlo Menis, Il Strolic furlan pal 1986)
2. s.f. (fig.) moment o circostance li che cdn. al à un premi o un grant ricognossiment
3. s.f. solenitât e sogjet artistic che al celebre la devozion ae Madone, imagjinant che i vegni metude une corone sul cjâf:  tal domo di Spilimberc [...] si viôt une Incoronazion de Vergjine, che e riclame i mûts dal Antelami (Bepi Agostinis, Storie de art in Friûl)