incjocâsi in|cjo|câ|si [CO]
- v.pron.intr. bevi alcolics in cuantitât tâl di vê alterât il stât mentâl, cun sbassament di tension, capacitât di atenzion, precision dai moviments, cun sensazions tant che ecitazion, ligrie o ancje malinconie o agressivitât: no ai bisugne di incjocâmi par parâ vie la smare (Josef Marchet, Lis predicjis dal muini); «Al passe il timp pes ostariis a incjocâsi di bessôl» (Mario De Apollonia, Il timp par ledrôs)
- v.pron.intr., v.pron.tr. (fig.) jemplâsi e gjoldi di une sensazion, di une vision, di une esperience: al va a piardisi tai cjamps e pes culinis, si incjoche di aiar e di cîl, al cjante, al cor, al rît (Alan Brusini, Par stradis lungjis); cun dut chel messedament di zoventût foreste, la nestre Rosute, anime semplice, si incjoche i voi e el cûr tai colbacs, tai chepîs plens di galons (Arturo Feruglio, I stivâi di Zuan Batiste)
- v.pron.intr. (fig.) fâsi cjapâ di une passion par alc o cdn., ancje in maniere irazionâl: al jere miôr che no si fos incjocât di chê frutate che, di sigûr, lu cjoleve dome pe robe (Maria Forte, Cjase di Dalban)
