inceament /-ènt/ in|ce|a|ment [CO]
- s.m. azion e risultât dal fâ pierdi o dal pierdi par cualchi moment la capacitât di viodi, soredut par vie di une lûs une vore fuarte: di colp la lûs e deventà blave, come cuant che si vierzin i voi dopo di un inceament (Andree Daidussi, Il sarpint)
- s.m. (fig.) azion e risultât dal fâ pierdi o dal pierdi la capacitât di capî, di resonâ, di valutâ in mût ecuilibrât, soredut par vie di une grande impression, ilusion, sperance e v.i.: si sa che al è dificil resisti ai inceaments, soredut cuant che no si à une grande o ancje minime cussience di se stes (Antoni Beline, Sot la scjale, come sant Alessi)
