imperialisim /-lì-/ im|pe|ri|a|li|sim [CO, TS]
- s.m. polit. teorie e pratiche politiche, militâr, economiche, culturâl e v.i. di espansion e di domini: la acuse plui fuarte che Hamas al incolpe la Olp e je chê di vê cedût a la «invasion ideologjiche» dal Ocident, començade cu lis Crosadis e lade indevant cul orientalisim, cu la vore dai missionaris e cul imperialisim francês e britanic, prin, cun chel merecan in zornade di vuê (Mainardo Benardelli, Hamas: terorisim suicide); preparâ un doman che nol ripeti lis tragjediis dai stâts nazionaliscj e dai imperialisims che a àn insanganât e marturizât chest secul (Antoni Beline, La disfide de identitât)