imperiâl
im|pe|ri|âl
[AF]
-
adi.
di un imperi o di un imperadôr, che al à a ce fâ, che al è prerogative di un imperi o di un imperadôr, che al domine un imperi e v.i.:
la storie da la ereditât di Rome imperiâl, parone dal mont, lusôr da la umanitât, fontane dal dirit (Josef Marchet, Cumò che o savìn…);
la Kaiserpfalz e jere cuintri di un bosc font, insom di un prât che al nasseve di là des ultimis cjasis dal Hoher Weg. E jere stade il palaç imperiâl, il centri dal comant sore dut il mont todesc e intodescjât (Agnul di Spere, Un cidinôr todesc)
-
adi., s.m.
che, cui che al sosten o che al è de bande o che al è sudit di un imperi o un imperadôr:
al scomençave cussì par Vignesie un gnûf moment de lote cuintri i imperiâi (Giovanni Pillinini, Zuan Batiste Cavedalis - Une vite esemplâr)
-
adi., s.m.
(par anton.)
dal Friûl, che al jere sot dal imperi asburgjic:
i abitants dal Friûl imperiâl no vevin nissune voie di jessi liberâts (Carli Pup, La seconde Irlande)
-
che, cui che al jere dai teritoris dal Friûl sot dal imperi asburgjic, soredut in oposizion a chei che a jerin sot di Vignesie o sot dal ream di Italie