imperi
/-è-/
im|pe|ri
[FO]
-
s.m.
organisim politic, e teritori che i corispuint, formât di plui nazions sot di un sôl monarcje:
La vuere dal Imperi cul Turcat / mі fâs cun grant reson unmont pensâ (Ermes di Colorêt, I, 196);
massime tal 1600 [Vignesie] e scugnì sostignî un grant sfuarç militâr pe vuere di Candie, che po e colà sot dal assalt dal Imperi otoman (Adrian Cescje, Liniis di storie sociâl e economiche dal Friûl 1500 - 1800);
i deputâts Luigi Faidutti e Giuseppe Bugatto [...] a baterin une vore pal ricognossiment uficiâl dal popul furlan tal Imperi Asburgjic (Sandri Carrozzo, Che nissun disponi di nô sensa di nô)
-
s.m.
autoritât di un monarcje che al comande suntun grant teritori, che al cjape dentri plui nazions
-
timp che al dure il podê di chel monarcje:
i agns che a van dal imperi di August a chel di Marc Aureli e Luci Vêr (31 p. di C.-180 d. di C.) a son in gjenerâl pe regjon une ete di pâs e di svilup (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl)
-
s.m.
(fig.)
sfere di influence, di domini, soredut economic, di un stât o ancje di une persone, di une societât e v.i.:
in dì di vuê al fâs di paron l'imperi american che al controle chês altris nazions no tant in maniere clare, come che a fasevin i Persians, ma intune maniere plui "platade" (Franc Fari, Eric Pascul, Autonomie e democrazie, i numars de socializazion umane)