impastâ im|pas|tâ [CO]
- v.tr. lavorâ insiemi plui components in mût che a formin une paste vualive: in facendis si viôt la parentât, / e cui cope il cjapon, cui la gjaline, / cui prepare lis jarbis pal stofât, / cui grate il pan par meti tel pistum, / e cui lu impaste e cui lu met adun (Pieri Çorut, La sdrondenade in Autun); bulî lis patatis, passâlis e messedâ cun farine, ûfs e sâl, impastâ come par fâ i macarons (Giorgio Pascoli, Il litum. Jerbis salvadiis te cusine); i gjavadôrs a vevin butade sù une mont di tiare e cumò i maltarûi la impastavin: a bagnavin la arzile, la pestavin, la messedavin cu la sape (Dino Virgili, La aghe da pît la cleve)
- v.tr. (fig.) messedâ insiemi e cirî di fâ stâ dongje in maniere vualive ancje elements imateriâi: a scomençarin a butâ fûr lis lôr propuestis, a tamesâlis, a voltâlis, a impastâlis insieme, infin che lis riduserin a une propueste uniche (Luigi Gortani, Il tor di Mueç)