impanîsi im|pa|nî|si [CO]
- v.pron.intr. di tiessût, soredut di lane, deventâ fis e dûr: la maie si jere impanide a fuarce di sudôr (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
- v.pron.intr. (fig.) deventâ fis, penç: dentri di nô / chel impanîsi dal misteri / simpri plui fuart (Nadia Pauluzzo, Amie di Sante Eufemie)
- v.pron.intr. (fig.) jemplâsi, mangjâ, cjapâ, scoltâ, lei, imparâ e v.i. in grande cuantitât: la propagande e je stade tant furbe e sfisiante che e je rivade adore di convinci la int di impanîsi di biscots e di messedots (Riedo Pup, I furlans e la blave)
