impagjinazion /-òn/ im|pa|gji|na|zi|on [CO]
- s.f. composizion e distribuzion di un test o di un altri contignût grafic intune pagjine: la rivista, pûr fata al limit de spesis, no à mai molât su la cualitât da la impagjinazion, stampa e colôrs des imagjinis (Dani Pagnucco, Graziis e mandi)
- s.f. (fig.) distribuzion e ecuilibri dai elements intune opare di art: Zuanfrancesc - daûr ce che si sa - al veve dade une prime prove clare dal so inzen, piturant la glesie di Sant Nicolò di Comeli (1482). Ancje se li la impagjinazion e je ancjemò ca e là intrigade e lambicade, il complès al pant za la man inconfondibil dal mestri (Gian Carlo Menis, Zuanfrancesc di Tumieç pitôr religjôs a Socleif tal 1493); l’artist, cuntune impagjinazion plui ariose, i colôrs vivarôs e il disen mancul gnervôs che al sa otignî, al precêt il Rococò (Bepi Agostinis, Storie de art in Friûl)