impac /-àc/ im|pac [CO, TS]
- s.m. med. aplicazion suntune part dal cuarp di garzis o tiessûts imbombâts di sostancis cun proprietâts terapeutichis: lis feminis dai curtîi vicins i àn puartâts decots di jerbis, pladinis di aghe di malvis par fâ impacs su lis plaiis (Pieri Menis, Vigji il cuintribandîr); "Jo us consei la camamile, impacs di camamile, e magari meteitgji dentri un pocje di malve e un pôc di fenoli" (Bruno Paolo Pellarini, Comari 'Sese)
- s.m. [BF] azion e risultât dal impacâ, dal fâ pacs
