imbraçâ
im|bra|çâ
[CO]
-
v.tr.
cjapâ, strenzi cui braçs:
Guri si sintive su la cope l'ansimâ cjalt di jê come di une creature salvadie e seneose. Le imbraçà pe vite, a colp, e ducj i doi a marcolarin jù pal rivâl (Dino Virgili, La aghe da pît la cleve);
plantis vecjis di secui che in doi no si rivave a imbraçâlis (Pieri Menis, Chei di Muraie)
Cfr. cjapâ a bracecuel
-
v.tr.
(fig.)
cjapâ dentri, strenzi tor ator, ancje di alc che nol à i braçs o ancje di alc di imateriâl:
a pensavin ae prime nêf su lis monts che a imbracin la nestre tiare (Alan Brusini, Chei de vuere dal '15)
Proverbis:
- il prin al busse e imbrace, il secont nice e fasse, il tierç an il malan e la malepasche
